МАН-ын дэргэдэх Социал Демократ Ахмадын Холбооны Ерөнхий нарийн бичгийн дарга Б. Гомбо Сүхбаатар аймгийн МАН-ын хорооны дэргэдэх СДАХ-ны Ахмадын хэсгийн дарга нартайгаа уулзлаа.

• 2024-06-17
• Н.Анхбаяр
• 189

МАН-ын дэргэдэх Социал Демократ Ахмадын Холбооны Ерөнхий нарийн бичгийн дарга Б. Гомбо, тэргүүлэгч Р.Буд нар Сүхбаатар аймгийн МАН-ын хорооны дэргэдэх СДАХ-ны Ахмадын хэсгийн дарга, СДАХ-ны сонгуультан нартайгаа уулзаж сонгуулийн сурталчилгааны талаарх төлөвлөгөө, үйл ажилгааныхаа явцын талаар ярилцлаа.
УИХ-ын сонгуулийн VI тойрог буюу зүүн бүсийн Дорнод, Сүхбаатар, Хэнтий аймагт МАН-аас нэр дэвшигчид Сүхбаатар аймгийн Наран, Онгон, Баяндэлгэр, Халзан сумын иргэд, сонгогчидтой уулзлаа. Тэднийг Сүхбаатар аймгийн МАН-ын хорооны дэргэдэх Социал Демократ Ахмадын холбооны гишүүд баяртайгаар хүлээн авч сонгуульдаа ялалт байгуулахын өлзийтэй ерөөл дэвшүүллээ.
Зүүн бүсэд нэр дэвшиж буй Ерөнхий сайд, МАН-ын дарга Л.Оюун-Эрдэнээр ахлуулсан багт Пүрэв-Очирын Анужин, Мөнгөнцогийн Ганхүлэг, Ухнаагийн Отгонбаяр, Мягмарсүрэнгийн Бадамсүрэн, Лхагвасүрэнгийн Соронзонболд, Цагаанхүүгийн Идэрбат нар нэр дэвшиж буй. Тэд өнгөрсөн хугацаанд Засгийн газар, МАН-аас орон нутаг, улс орны хэмжээнд хэрэгжүүлсэн ажлууд болон зүүн бүс нутгийг хөгжүүлэх 2024-2028 оны мөрийн хөтөлбөрөө иргэд, Социал Демократ Ахмадын холбооны гишүүдэд танилцууллаа.
МАН-ын дэргэдэх Социал Демократ Ахмадын Холбооны Ерөнхий нарийн бичгийн дарга Б. Гомбо, тэргүүлэгч Р.Буд нар Сүхбаатар аймгийн МАН-ын хорооны дэргэдэх Социал Демократ Ахмадын холбооныхонтой хамтарч гурван уулзалтыг зохион байгуулж ажиласан байна. Уулзалт үргэлжилсээр …

Д.Гансүх: МАН-ын дэргэдэх СДАХ-ны ерөнхий нарийн бичгийн дарга Б.Гомбо, холбооны тэргүүлэгч Р.Буд нар Сүхбаатар аймгийн МАН-ын ахмад гишүүдтэй уулзалт хийж ахмадуудын залуу нас, тус намд тухайн үедээ шилдэг тэргүүний гэгдэж олон олон шалгуурыг даван намд элсэж байсан цаг мөчийг нүдэнд харагдаж, сэтгэлд нь буутал эргэн дурсуулж тэдний залуу насны эрч хүчийг буцаан авчирсан мэт илтгэл тавьж ахмадуудыг огшоож, УИХ-ын сонгуульд тууштай, хазайж гулзайлгүй бусдад нөлөөтэй ажиллахаа илэрхийлж сайхан уур амьсгал төрүүлж байсанд маш их баярлалаа. Энэ үеэр хөдөлмөрийн баатар Хурц гуай охин Оюунцэцэгийнхээ хамт хүрэлцэн ирж үг хэлсэн нь гал дээр тос нэмсэн мэт дүрэлзүүлэв.