“САНСАР РУУ ТЭМҮҮЛЭХИЙН УЧИР”уулзалт

• 2024-03-27
• Н.Анхбаяр
• 95

Жил бүрийн 03.22-ний өдрийг Монголчууд “Монгол хүн сансарт ниссэн өдөр” болгон онцлон тэмдэглэдэг. Энэ түүхт өдрийг тохиолдуулан Дэвшилтэт Социал Демократ Клуб МАН-ын дэргэдэх Социал Демократ Ахмадын холбоотой хамтран “САНСАР ОГТОРГУЙ нэртэй гэрэл зургийн үзэсгэлэнг ТТО-ны 1 давхрын үзэсгэлэнгийн танхимд зохион байгуулсан.
Энэхүү үзэсгэлэнгийн үргэлжлэл 2 дахь үйл ажиллагааг МАН-ын дэргэдэх Ахмадын холбоо санаачлан “САНСАР РУУ ТЭМҮҮЛЭХИЙН УЧИР” уулзалтыг 2024.03.27-ний Лхагва гарагт 11:00 цагаас
ТТО-ны 5 давхрын Хэлэлцүүлгийн танхимд зохион байгууллаа.
Уулзалтанд ЗХУ болон БНМАУ-ын баатар, хошууч генерал Ж.Гүррагчаа оролцож, нийслэлийн дүүргийн Социал Демократ ахмадуудын сонирхсон асуултанд хариуллаа.
Монгол улсын Сансрын шинжлэх ухааны өнөөдрийн нөхцөл байдал, ирээдүй, аливаа улс орнуудын сансар руу чиглэсэн туршилт, олон улсын хамтын ажиллагаануудын эцсийн зорилго зэрэг олон сонирхолтой сэдвээр уулзалт өрнөлөө..
Жүгдэрдэмэдийн Гүррагчаа нь
– 2000 – 2004 онд Монгол улсын Батлан хамгаалахын сайдаар ажиллаж байв.
– 2004 – 2008 онд УИХ-ын гишүүнээр сонгогдон ажилласан,
-Одоо МАН-ын дэргэдэх Социал Демократ Ахмадын холбооны тэргүүлэгч гишүүн.