Баянхонгор аймгийн МАН-ын хорооны дэргэдэх Ахмадын холбоо нь аймгийн МАН-ын удирдлага, аймгаас сонгогдсон МАН-ын бага хурлын гишүүдтэй уулзалт ярилцлага зохион байгууллаа.

• 2023-12-05
• Н.Анхбаяр
• 86

Баянхонгор аймгийн МАН-ын хорооны дэргэдэх Ахмадын холбоо нь 2023 оны
12 – р сарын нэгний өдөр тус аймгийн 20 сумдаас МАН-ын хорооны дэргэдэх Ахмадын холбооны дарга, тэргүүлэгчид болох 40 ахмад гишүүд, аймгийн төвийн 10 багаас 32 ахмад МАН-ын намын гишүүн сонгуультан нийтдээ 72 ахмад гишүүд цуглаж МАН-ын аймгийн удирдлага, аймгаас сонгогдсон МАН-ын бага хурлын гишүүдтэй уулзалт ярилцага зохион байгууллаа.

Уулзалт ярилцлагат оролцогсдод Монгол улсын Засгийн газрын “Шинэ сэргэлтийн бодлого, МАН-аас ахмадын талаар баримталж буй бодлогод аймгийн шат шатны “МАН-ын хорооны дэргэдэх Ахмадын холбоодын гүйцэтгэх үүрэг, оролцоо” гэсэн сэдвээр аймгийн МАН-ын хорооны дэргэдэх Ахмадын холбооны дарга Ч.Гомбодорж, аймгийн “Ахмадын байгууллагын үйл ажиллагаа ойрын зорилт” сэдвээр аймгийн Ахмадын хорооны дарга, аймгийн МАН –ын хорооны гишүүн Ж.Энхбаяр, “Гэрэлт” сургалтын төвийн сургагч А.Орхончимэг нар, “Зөв хоололт ахмад настны эрүүл мэндэд нөлөөлөх нь” сэдвээр “Түвшин оршихуй” сургалтын төвийн сургагч Э.Амарбаясгалан нар мэдээлэл өгч аймгийн МАН-ын дэд дарга Б.Нацагдорж аймгийн МАН-ын хорооноос хэрэгжүүлж буй ажлын талаар, аймгийн МАН-ын хорооны дэргэдэх Ахмадын холбооны тэргүүлэгч М.Мянганбуу Баянхонгор аймгийн “МАН-ын 100 жилийн түүх” номынхоо тухай нээлтийг танилцуулав.
Баянхонгор аймгийн МАН-ын хорооны дэргэдэх Ахмадын холбооны дарга Ч.Гомбодорж танд МАН-ын дэргэдэх Ахмадын холбооноос Баянхонгор аймгийн “МАН-ын 100 жилийн түүх” ном гаргасанд баяр хүргэж талархал илэрхийлье.